صحتك

كيفية الحفاظ علي البشرة

كيفية الحفاظ علي البشرة مهم جداً ودا لأن بشرتك عامل أساسي ومهم جداً في يومك، علشان تحسي بالتفاؤل وتحافظي علي نضارة بشرتك وتفتيحها باستمرار، هنقدم لكي شوية نصائح سهله جدا تعمليها في البيت علشان تعرفي كيفية الحفاظ علي البشرة .

كيفية الحفاظ علي البشرة :- 

في ناس كتير بتشتكي من اسمرار الوجه وظهور بقع علي الوجه من غير أي اسباب .

ومش بشرتك وبس لا كمان علشان صحتك كلها وعلشان تتجنبي أي اصابات مفاجأه ممكن تحصلك . 

اغسلي وشك بغسول+ تونر + كريم مرطب يبقي روتين لبشرتك فبدايه اليوم .

استخدمي العسل يوميا ع بشرتك ايآ كان نوع البشره وزودي عالعسل سكر مرتين أو ثلاثة مرات في الاسبوع .

( يعني بعد ماتحطي العسل نصف ساعه تجيبي شويه سكر وتحطيه ع وشك) .

اصنعي بخاخ يحتوي ع ماء ورد + ماء مقطر او ماء مغلي ومبرد وضعيه بداخل حقيبتك ورشي منه دائما علي بشرتك لتجديد الانتعاش وتثبيت المكياج ولتقليل الدهون.

تعملي حركات دائريه وده بيزيل اي خلايا ميته ودهون وبيفتح البشره وبدي نضاره .

قبل ماتنامي استخدمي غسول مقشر + تونر + كريم مرطب او زيوت خاصه بالبشره ( جوز الهند / لوز / فيتامين هـ/ الورد / السمسم) لترطيب عميق للبشره ولعلاج مشاكلها .

اخلطي كريم الأساس في كف يدك مع كريم مرطب واقفلي اليد الأخرى واخلطيهم مع بعض وضعيهم على الوجه يمنع تكتل كريم الأساس وهيديكى لمعة تحفة ويمنعه من التشقق مع الوقت الطويل ولا أغلي ماركة 

شرش الجبن ( أو الماء اللي بيكون في علبة ألجبنه ) حطيه في زجاجة وادهني وشك منة مرتين في اليوم وادعيلى تفتيح وترطيب وإزالة البقع والنمش . 

مزيل الماكياج خلص استخدمي الزبادي لإزالة الماكياج ومنة ماسك سريع هتتصدمى من النتيجة
والافضل م الزبادى ماء الورد .

ضعي بحقيبتك الوايبس ( المناديل المبلله) دائما لمسح اي اتربه او دهون من بشرتك او يديكي .

قبل ماتخرجي ضعي عصير الليمون بقطنه تحت الابط لمنع رائحه العرق ثم ضعي بودر تلك بعد ان يجف وكذلك للتفتيح . 

وبعد نصائح كيفية الحفاظ علي البشرة هتشوفي نصائح تانيه كتير . 

للحفاظ علي شعرك :- 

لما تيجي تغسلي الشعر بالشامبو اقلبي راسك لأسفل واقلبي شعرك للإمام وادعكيه بينشط الدورة الدموية للشعر وبالتالي يمنع سقوطه .

علشان تحافظي علي لمعان الشعر قبل السشوار اشطفي شعرك أخر شطفه بالماء المضاف إلية الشاي المغلي بعد تبريده واتفرجى وادعيلى .

تغيير نوع الشامبو كل أربع شهور لان شعرك بياخد علية ولو بتحبى نفس النوع ابقي ارجعيلة بعد التغير عادى بس غيري وارجعي .

 

الحصول علي شفايف ورديه :- 

 

 اغلي نصف فنجان ماء مع كركديه واخلطي المية بعد الغلي مع فازلين وادهني شفايفك كل يوم بالليل أسبوع شفايفك بتبقى وردى طبيعي لمدة شهر .

نصائح عامه :-

اول ماتصحي مالنوم تقعدي شويه وبعدين تقومي مالسرير لان لما تقومي بسرعه بيعمل خلل فالمخ وبيجيب صداع.

ادعكي اسنانك يوميا بالعسل او بقشر الليمون او بالقشر الداخلي للموز/ البرتقال بينضف الاسنان وبيفتحها مع الوقت .

تحركي يوميا سواء فشكل تمارين رياضيه او اعمال منزليه او المشي داخل المنزل لمنع تراكم الدهون بجسمك ولتحريك الجسم ولمنع حدوث الشد العضلي .

قبل موعد اقتراب البيريود واذا كنت من كثيري الخروج فضعي الاولويز بشنطتك ربما تفاجئك وانت بالخارج فكوني علي استعداد .

كذلك اذا كان فمك يصدر روائح غير طيبه ضعي اللبان المنعش معك دائما لتغيير الرائحه ويمكنك مضع القرنفل او النعناع دائما لتغيير رائحته .

 زبدة الكاكاو لدهن كعوب القدم ( اللي بنستخدمها للشفايف ) بتخلي الكعوب تحفة ادهنيها بالليل والبسي شراب وشوفي النتيجة الصبح .

وانتى على الكرسي وقاعدة قدام الكمبيوتر قومي واقعدي 5 دقايق .

بتتخلصى من الإرداف والشحوم المتركزة في هذه المنطقة .

 دايما اشفطى بطنك للداخل كل ما تفتكرى شهر وبطنك هتختفى احسن من اى تمرين الشفط بيقوى عضلات البطن حتى مع الحمل والولاده .

  ضعى طلاء الأظافر فى الثلاجة قبل وضعة هينشف بسرعة ويتحط بسرعه . 

 لو قرصتك ناموسة او حبة فجاة وعندك خروجة بسرعة حطى عليها اى نوع من قطرة العين وادعيلى اوعوا تنسوا .

 خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة جدا حتى لو مش هتلبسى شراب

 قشر الرمان نشفيه فى البلكونة كويس ودقية واطحنية بودرة وضعية تحت الابط لمدة اربع ايام كل يوم تحطيه رائحة العرق بتختفى لمدة شهر .

 

Shamla Team Work

الوسوم
اظهر المزيد

OsaMa

السلام عليكم .. عزيزي القارئ أنا أسامه أشرف كاتب مقالات متوافقة مع قواعد السيو ومهتم بالقراءة ومحب للعمل علي برامج تعديل الصور مثل الفوتوشوب ... كما أن لدي خبرة فى تخصيص وتركيب القوالب المختلفة على وورد بريس وبلوجر وخبرات مختلفة في مجال البرمجة بشكل عام ... أهلا بك في موقعي المتواضع ويشرفني قرائتك لمقالاتي ورأيك يهمنا.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: